السلام عليكم ورحمة الله وبركاته
اكييد اللي هتقروه ده مش بالمستوى المطلوب
لكن لازم تعرفوا انها كتابة تجريبية يعنى دى مش كل حاجة
بس دى كتابة كفكرة مش اكتر
ويارب تعجبكم وياريت اشوف ردود صريحة يعنى الوحش تقولوا انه وحش والكويسش تقولوا انه كويس
واستنوا التقيل بعديييين بس الامتحانات تخلص وانا هوريكم 
ياعينى لما الحياة تتعدل للى مش عايزهــــا
واصبر يمكن نصيبى يكون معديلهـــا
بس الصبر اشتكى ومش قادر يستحملها
هاعملك ايه مانت اللى مش راضي تفهمها
عيش معاها سنينك وبكرة وبعده ربك يعدلها
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ياعينى على اللى نفـسـه فـى الفلـوس
بيقول هاعمل واعمل وهـدوس
وهجيب كل حاجة سواء ليه فيه او ملوش
ووحياة فقري مش هسمع كلام اى مهووس
بس فين العدل هو انا بحلم ولا انا مـرووش
ـــــــــــــــــــــــــــــــــــــــــــــــــــــــــــــــــــــــــــــــــــــــ
ياعينى لما النار تقوم مش بتـسـيب حـاجة وبتاكـل
زى الجعان اياه متعرفش لاصله اول من اخر
تـحـط فيهـا الميـه تـزيد جـوع ومـحـدش فـاكـر
ليه يا نار تاكلى اللى كان ليكى بالحطب ناشـر
جمعه علشان يشوفك بس اللى زيك ملوش مضيٌع من داخر
ــــــــــــــــــــــــــــــــــــــــــــــــــــــــــــــــــــــــــــــــــــــــــ
يا عينى لما تكون مستنى الموبايل يرن وانت مش عايز
بس اصل انت جبان وليه ده كله انا مش عارف
خواف قوي . حتى من رنة تليـفـونك مـش عايز
اسـتنى هنا انـت بالرنة مـن غيـرها اكيـد خايـف
خليك فاهم المكتوب لك هتشوفه سواء عزت او مش عايز
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا عينى لـمـا تـشـوف الـدب وتــقـول ده كـلـب
بس اللى شافه غيرك قال طول عمره كلب
انت بـس اللي مغـشوش فيه وتفـتكـره دب
ومش هيـعضك ابـدا ولا هـتحس انه كـلـب!!
لـف الدنيـا قدامـك وهاتـلى دب زى ده كـلـب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا عينى لما نرمى الحظ فى الشـارع ونقـول ده نصيب
وكل حاجة تقـابلـنا بنلخبـط فيـها وبعـديـن نعيـب
نارالهواجس مليانا ومرضى بيها ونقول فين الطبيب
ماله نصيبك بيك انت اللى مختار كل حاجة حتى الحبيب
ولما تتلدع من الدنيا تيجى وتقوللى ملعون ابو ده نصيب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا عينى لما التراب يلم اغلى حبيب
تقـوله ليه يا تـراب كـدا ده انـت عـنى مـش غـريب
يرد ويقولك ذنبي ايه وانا ايه عرفنى انه اغلى حبيب
تـقـوله اديـك عـرفـت قـولـه يرجـع وعـنى لا يغـيـب
يقولك يا ريت بامري ده كل فى كتاب عند ربك المجيب
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا عينى لما تـزرع الـورد ويطـلع تـوم وفاصـولـيا
تـقـول ازاى اقـولك دى اراضي مـنغـولـيـا
تقول دى بلدى.اقولك ده كلام ناس منخوليا
ياعم فوقلى واصحى شوية هى كدا بقت الدنيا
اخلع منها زى غيرك ولا هتستنى لما يغيروها ويبقى اسمها بريتوريا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
دى بقى عن مدينة اكتوبر او (المدن اللى مش لينا)
يا عينى لـمـا رحـت اكـتـوبـر وقـلـت اشـوف
لقيت كل شيء غير اللى زيي وزيك له معروف
ولقـيت ان كل شيء هـنـاك لـيـا ولـيـك مخـلـوف
بيقولوا ان كلها للغلابة وده امـر عـادى ومئـلوف
يقولوا براحتهم بقى انا مش هاروح تانى ولا اشوف
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا عينى لما ارتـاح بعـد التـعـب والشـقـى
وانسى اللى فات بعد الفراق واللقا
وانسى حبيبى اللى عـذبنى واشتكى
واروح ادور يمكن الاقى الهوى بدون شقى
بس يا ريت. ده الهوى كله واحد واشقى هو الشقى
يا عينى على الواد اللى عامل نفـسه قاطـع
ده حتى من شكله بقى لمرارتى فاقـع
عامل فيها جدع وهو فى الاصل ناطع
بنطلونه لا مؤاخذه والبادى على جسمه لاطع
ارجعوا كفايه بقى لغايه امتى المر ده هيبقى واقع
يا عينى لـمـا تـشـوف الـبـت قـدامـك بـتـتـظـبـط
تـروح لغـيـرهـا عـلى طـول وتـتـنـطـط
لابسه ضيق لابسه واسع مش مهم اى حاجة واديك بتخبط
لابسه بنطـلـون تحـتـه فـسـت يـللا اهو كـلـه بيـعبـط
المهم المصلحة. وبعدين اهو يوم وبكرة هتيجى وتعيط
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
