حوار جرئ, شاركنا برأيك

Subject: حوار جرئ, شاركنا برأيك Sun 06 Sep 2009, 1:05 pm

بجد مش عارف ابدأ منين وابدأ ازاى
بس حبيت اطرح فكرة موضوع جديدة هى مش جديدة فى الحياة بس ممكن تكون جديدة فى النقاش داخل المنتدى
فى البداية يا جماعة تعالوا نجرب نكتب مواضيع من عندنا احنا من تعبيرنا احنا ننسى شوية موضوع المواضيع المنقولة اللى بتبقى موجودة فى كل المنتديات خلينا احنا عشان احسن من اى منتدى تانى لازم نبقى مختلفين عنهم
دى مقدمة بس نفسى كلنا نبدأ نكتب مواضيع من عندنا نكتب مشاكل حقيقية نحاول نحلها نكتب مواقف قابلتنا فى الحياة بجد كلنا نتعلم من بعض ننبه بعض نفيد ونستفيد بصراحة مش لاقى كلام تانى اكتبه بس اسف على الاطالة

فى الموضوع دة هنطرح مشاكل بتقابلنا فى الحياة بجد نحاول نحلها ممكن يكون الموضوع دة قديم وممكن يكون موجود قبل كدة بس خلينا نقدمة فى الموضوع ده بشكل مختلف ومتميز
أول مشكلة هنطرحها للنقاش هى مشكلة الحب عن طريق الانترنت .... موضوع زى دة فى ايجابيات كتير وفى سلبيات اكتر .. فى الانترنت الواحد بيعيش الشخصية اللى هو عايزها مش شخصيتة الحقيقية مش معنى كدة ان كل الناس كدة بس معظم اللى بيتعرف على حد عن طريق الانترنت بيعيش بشخصية هو بيتمناها وعايزها بس مش شخصيتة ... بجد عايزين نعرف رأيكم فى الموضوع دة ولو حد عاش قصة حب عن طريق الانترنت يبدأ يحكيلنا عن قصتة واية النصائح اللى ممكن نستفيد بيها فى موضوع زى دة واية سلبياتة واية ايجابياتة بجد نحاول نفيد بعض بجد
اسف على الاطالة واسف جدا على سوء التعبير وان الموضوع مش مرتب

--------------------

Subject: Re: حوار جرئ, شاركنا برأيك Thu 10 Sep 2009, 11:17 pm

اقلك الصراحة

هيا مشكلة جامدة جدا بالذات انك لو حبيت فعلا بجد وعشت بشخصيتك الحقيقية

يعنى كل حاجة بجد

عارف هيا لو مش بجد او مجرد تسلية كانت هتبقي اهون شوية

ايجابياتة انك فعلا لو حبيت بجد فيك حاجات كتيرة هتتغير للاحسن
وهتعرف حاجات عن نفسك انت مكنتش شايفها دة لو كل حاجة بينكم حقيقية

اما سلبياتة انة احتمال كبير انة ينتهي بفشل مش بيكمل
والاهل كمان حكاية الارتباط عن طريق النت دى غلط وحاجة ممنوعة

Subject: Re: حوار جرئ, شاركنا برأيك Thu 10 Sep 2009, 11:23 pm

اه عندك حق

بس اللي انعتي طنشتيه

انك تعرضي مشكله ليكي

لازم اللي يدخل يعرض مشكله

فين مشكلتك يااااااااااااااااااااااا؟؟؟

Subject: Re: حوار جرئ, شاركنا برأيك Fri 11 Sep 2009, 12:00 am

مشكلتى ملهاش حل
فامش عايزة انى اعرضها لان كل حلولكم مش هتنفعنى
خاااااااااااااااااااااااااااااااااااااالص
وهوجع دماغكم ع الفاضى

شكرا جدااااااا

Subject: Re: حوار جرئ, شاركنا برأيك Fri 11 Sep 2009, 9:43 pm

السلام عليكم
شكرا لموضوعكم
اولا احب اعرفكم بنفسى بالنسبه لمشوار الحب اساسا
انا اساسا صعب انى اجد انسانه تفهمنى واحبها فى حياتى العاديه دة مش لانى مختلف شويه عن الناس بس لانى عنى شويه مبداى
يبقى ايه بقى لو حبيت عن طريق النت اكيد هيكون حب بجد
وكمان حب وحده مشوفتهاش ولا يمكن مسمعتش صوتها يعنى حبك دة لازم يكون صادق جدا لانك مش هتفرط فى مبادك كده وخلاص علشان كلام فى النت
اظن انك من الصعب انك تلاقى واحده تفهمك وتحبك من النت بس مش مستحيل يعنى مكن تقابل اللى تحبك لشخصيتك ولكلامك وصدقك فى الكلام وممكن تكونى افضل من اللي حتقابها على الحقيقه وكمان ايه المانع فى ده مش دة يمكن يكون ليك افضل انك تتعلق بوحده قوي وبعدين تضيع من قدام عنيك

ايجابياته بقى
انك بتتكلم كل اللي عندك يعنى ملكش مبرر انك تكذب على حد لانى اللى قدامك ميعرفش غير اسمك وبس
وكمان بيكون عندك الجراءه انك تعبر عن اللي فى نفسك اكتر من انه يكون الشخص قدامك

سلبياته
انه ممكن يكون شخص بيلعب بمشاعرك او واحد يحب يقضى وقته
وكمان مشكله الاهل انهم احيانا مبيقبلوش العلاقات اللى بتحصل عن طريق النت
يعنى ممكن يقولوا للبنت انك بعد فتره هتصغري فى نظره علشان عرفتم بعض من النت وده طبعا كلام مبيكنش صح دايما هو لو بيفكر انه يقولها كده مكنتش حبها اساسا وهو عارف انه اتعرف بيها ولو صدفه من عن النت
ارجو انى مكنش طولت عليكم

Sound Of Lost Love

» حوار مع دمعتي
» حوار مع دمعتى
» حوار بين زكر وانثى
» حوار بين قلبى وعقلى
» حوار جامد بين اتنين طورش مش فاهمين حاجة خالص